樂基兒（Gaile）昨晚以嘉賓身份出席I.T新店開幕活動，由新經理人公司百仕活及舊模特兒公司Cal-Carries Models代表陪同到場，排場十足，其他嘉賓還有楊千嬅和黃偉文等。

Gaile表示已轉了經理人公司：「自己轉咗Management，由陳善之負責安排工作，我同舊公司已經滿咗約，不過仲有合作。（以咩形式合作？）佢哋會幫我繼續接Job，但In Charge係陳善之。（係咪因為黎明轉公司？）都唔係，我同Cal-Carries合作咗十年，好長時間，好似屋企人咁，依家似佢哋嫁女，不過我過時過節會返娘家。我哋嘅關係好好，唔好以為嗌咗交，只係想試吓新發展。」

拒談黎明送豪宅

她表示沒有想過拍戲，也不是如外間所指會幫手培訓Model：「睇吓到時有咩其他發展，唔一定係Model，我個人好Creative。」近日有傳黎明在老婆簽了新公司後，下令禁止她公開穿泳裝和行性感，對此Gaile說：「我今日都着See-through啦！唔係。（接唔接泳衣騷？）總之交晒畀陳善之揸主意。」至於有報道指黎明豪送逾千萬港元的堡壘式豪宅給她父母，Gaile說：「呢啲八卦嘢唔答。」

另外，與Gaile屬同一間模特兒公司的諸葛梓岐，被問到Gaile離巢一事時說：「以我所知Gaile同我仲係同一間公司。（唔係約滿咗咩？）唔知。」似有暗示Gaile未約滿舊公司之嫌，記者問Gaile有關諸葛梓岐指她未約滿舊公司的言論，她說：「我唔想答其他人嘅事，唔知係真定假，不過好驚，因為其他Model好少會知Model私人合約嘅嘢，我諗係誤會，唔係真嘅。」