昨日爆出疑似黃長發的男子性愛片段，黃長興即力撐弟弟，指他不會拍下做愛片段：「我哋屋企人唔會咁做！我力撐佢！佢依家好專心做嘢，連拍拖都唔諗。可能呢排阿發冇乜新聞，所以就撩佢啲嘢嚟講。」長興又指長發不會無禮及粗暴對待女友：「佢咁天真、咁純品，一定唔會做呢啲嘢！我身邊朋友個個見到佢真人，都會訝異原來佢咁細路仔，仲話佢單純好易畀人呃！都怪我哋平時太保護佢！」
Karen前夫鄧先生對事件不予置評：「唔知！唔理！我都唔識呢個人！」而長發契媽Christine則說：「我喺外地，唔清楚件事，講畀我聽喺邊度睇到，等我睇吓。（點睇件事？）冇嘢想講。（係咪好耐冇同長發聯絡？）係，我喺外地，唔講喇！」
另外，對於指稱是的士司機上載交歡照到互聯網，黃國桐律師直指此舉已犯下拾遺不報、濫用電腦作不誠實行為的罪行，並干犯發放淫穢及不雅條例，拾遺不報最高刑罰監禁三年、後二者則監禁五年。