前港男黃長發自與三奶Karen忘年戀後，負面新聞接踵而來，但無損長發野心，早前轉投模特兒公司任職的他，聯同公司混血男模出席《單身男人》首映，試圖為陷低潮的事業力挽狂瀾，想不到事隔數天，網上傳出有的士司機拾獲手機，並在手機圖片庫內發現一名樣貌疑似黃長發的男子，與女子長達20分鐘的性愛片段！發放消息的網民指，該司機張貼了9張短片的相關照，更以大篇幅描述短片中的男子粗暴對待女伴的對話及情況！

有特寫有交歡場面

9張照片中，除有穿上白色短袖恤衫的「疑似長發」大頭及側面特寫外，還有男女以不同姿勢交歡的情況，以及男子的半裸流汗照。經過記者觀察，相中男子的特寫照與長發有幾分相似，但特寫照的男子戴鋼錶，交歡時的男子則戴黑色錶；加上交歡過程的照片十分黑暗，男子的面貌模糊，實在難以鑑定交歡照片中人就是長發。

記者事後第一時間致電長發，他氣定神閒地說：「唔明點解有啲咁嘅片。（有冇唔見手機？）冇，亦都唔會咁蠢將啲咁嘅片放喺手機度，更加唔會拍呢啲片。」他強調現時既沒有拍拖、亦沒有亂搞男女關係，對於遭人「惡搞」，長發表示暫不考慮報警：「可能有人想傷害我，但冇所謂，最緊要我自己冇做過。見到我個樣、證實到嗰個人係我，我先回應。」

否認拍片疑遭整蠱

及至傍晚時分，記者到長發位於中環的辦公室了解事件，他透露已先後收到哥哥黃長興及傳媒朋友的慰問電話，並強調感覺是遭人惡作劇：「好得意！啱啱之前出席首映，之後就有啲咁嘅嘢，太過巧合！不過呢啲嘢唔會影響到我，我又冇做錯事！如果有人想搞我，佢哋搞錯咗，我離開咗娛樂圈兩年，佢哋搞唔到我。」長發再三強調自己的手機內絕不會藏有性愛照片：「我冇影過呢啲相，我用開好簡單嘅電話，好細像素。」　

至於長發舊愛Karen，堅稱與長發拍拖時沒有拍過做愛照，對方亦從來沒有要求她拍攝，言談間卻爆出另一個驚人內幕：「佢有要求過喺沙灘同車嗰度（意指做愛），但冇要求話影呢啲嘢，我肯定冇影過！」談到對今次事件看法，Karen以不清楚為由匆匆掛線。對於被Karen踢爆性愛喜好，長發不願多作回應：「呢啲嘢牽涉得太多、太遠，我唔想答！」至昨晚八時，記者再登入有關討論區，發現相關圖片及內容已被全部刪除。

長發聲稱今次事件疑被整蠱，其實過往他亦屢傳是非，除了被指在經濟上依賴Karen、分手後又遭Karen力數不能共患難外，更被指連環冧契媽Christine及舞王霍紹裘現任女友Sindy Mok。他更曾被拍得在蘭桂坊發爛渣扮狗叫，形象直線插水。