馬主拉頭馬當然開心,獎金豐富不在話下,加上年初三贏馬意頭十足,但李嘉欣身邊有個億萬老公,拉頭馬對她來說濕濕碎,毫不在意贏馬與否。
李嘉欣懶理輸贏
大年初三,李嘉欣陪老公許晉亨到馬場,結果二人所養的愛駒「醉味」跑出,嘉欣被指腳頭好,甫出現即有機會拉頭馬,她風騷笑說︰「又唔係我跑!」
解讀
唔通有得拉頭馬都唔滿足,真係想自己騎?
楊千嬅魚塘餵魚
今個新年首次以丁太身份派利是的楊千嬅,早前出席活動時被人圍,對她的利是虎視眈眈,千嬅說︰「好似魚塘餵魚咁。」
解讀
係咪覺得結咗婚受歡迎咗呢?
Yumi敏感地帶
尹蓁晞(Yumi)表示與男友出街時格外小心︰「依家經過九龍塘同公園呢啲敏感地帶,都唔敢行近。」
解讀
係咪覺得結咗婚受歡迎咗呢?
拍拖真係要檢點啲,容乜易度度都變拍拖禁地o架!
姚佳雯唔怕博懵
亞姐姚佳雯新年在鬧市扮財神,差點遇「鹹豬手」,問到會否擔心,她說︰「自己就唔驚,因為都打咗底又着咗短褲。」
解讀
咁講似係唔擔心走光多啲,打咗底都會畀人摸到o架!
G.E.M.:佢諗多咗
早前鄧紫棋(G.E.M.)公開表示有男仔追,而陳柏宇嫌疑最大,對於緋聞男友否認其事指她「諗多咗」,G.E.M.亦反擊說︰「我冇諗過陳柏宇,係咪佢諗多咗!」
解讀
估唔到城城用一句「諗多咗」否認與王秀琳的緋聞後,迅即變成潮語。
Stephy崇拜Paco
有傳黃柏高(Paco)在金牌大風再度掌權,而身為「太子黨」的鄧麗欣(Stephy)傳會被清洗,但Stephy否認︰「我不嬲都崇拜Paco。」
解讀
咁快就擦到Paco隻鞋「立立令」,果然不愧係「一姐」。