前晚黎明、舒淇、楊千嬅、甄子丹、衞蘭、Janice Man（JM）、何韻詩、杜琪峯及劉偉強等出席公司春茗，氣氛熱鬧。席上黎明與舒淇這對舊情人分枱而坐，祝酒時才與大隊上台，他們並肩而站，先大方舉杯互碰，其後舒淇煞有介事地愈走愈遠與其他人祝酒，由左邊台急閃至右邊，剩下黎明站在一角。其後舒淇表示沒有向黎明攞利是，她笑言早前與三名男仔打波，可惜卻沒有人追求。

葉璇（左起）、甄子丹及黎明在台上抽獎，大放笑彈。	衞蘭（右）與JM玩到攬晒腰，狀甚老友。	BIG FOUR表演時，蘇永康（右）去了洗手間，結果被張衞健（左二）取笑坐爆痔瘡。

捐$1,000抽獎20人分

而BIG FOUR及農夫等唱歌助興，老闆更豪擲30萬元抽獎，飲到面紅紅的黎明嘲老闆有朋友出五千元抽獎太孤寒，故聲言要加碼：「我同甄子丹一文一武，一人出一千，分20次抽，一係每人捐五千蚊出嚟摺飛機，邊個中咗邊個攞，我份人知慳識儉，抽中100蚊都開心嘅就係好人！」但最終齋講不做。