名導馬田史高西斯與愛徒里奧勒度狄卡比奧第4度合作的新片《不赦島》，在美國大收，日前二人與影帝賓京士利接受本報訪問。里奧仔飾演的聯邦調查員Teddy精明幹練，但心理上卻埋有戰爭的陰影：「劇情發掘出角色情緒上嘅不同層面，就似一個多層蛋糕，每挖深啲又搵到更多意義，係大考驗！」他坦言接拍該片甚大壓力，幸獲馬田提點：「痛苦係短暫，但電影係永遠嘅！」
新片講述5級颱風吹襲不赦島，里奧仔留在島上查案，為求逼真，馬田請來特效專家，用4條大水管造成降雨，其中兩條水管更長達100呎，令下雨面積廣達140呎乘60呎！劇組利用強力風扇將雨水打橫吹，造成橫風橫雨的效果，馬田笑說：「無論演員或工作人員都習慣濕完又乾，乾完又濕咁拍攝！」他表示開拍前用了3個月籌備，並用85日完成該片：「最難拍係Teddy同醫生喺燈塔上對峙，將真實同虛幻交融！」
至於飾演醫生的賓京士利，大讚首度合作的馬田很懂得運用鏡頭，更讓演員自由發揮，令演員很有滿足感。而同是首度與馬田合作的麥克韋法奴，靠寫信得到角色：「我寫信畀馬田講我有幾想同佢合作，點知真係得咗！」