因與音樂才子陶喆傳緋聞而廣為人認識的岑潔儀（Zoey），大嘆去年黑氣纏身，故日前專誠到黃大仙廟祈福，誓要與是非及緋聞講拜拜，身為「80後」的她到廟後即買香燭及小型風車，並添香油做善事，相當有心。不過Zoey十分論盡，更不慎跌香落地，大吉利是！
由於當天人流眾多，香火鼎盛，Zoey上香時被煙熏得瞇起雙眼，相當狼狽。其後，Zoey將願望寫在祈福紙上，然後跳高貼在廟內的祈福牆。自言迷信的Zoey笑說：「因為媽咪都係迷信嘅人，佢睇過我掌紋，話我感情線好混亂，容易有感情煩惱。」她表示今年不恨拍拖，要努力搵真銀，決心不靠男人！
