容祖兒、王菀之（Ivana）、農夫及G.E.M.前晚出席TVB全新音樂節目《我的故事．我的歌》記者會，任頭炮主角的祖兒自言入行10年，最遺憾是00年跑馬地寓所火災，燒毀99年度《勁歌》最受歡迎新人金獎，她曾為此痛哭一場。節目中TVB特別重新訂造獎座，並於當年舉行頒獎禮的紅館門外，由當年的頒獎嘉賓張衞健再次把新人獎頒給她，令祖兒大為驚喜及感動。她透露邀請經理人Mani、好友蔡卓妍及監製潘嘉德亮相節目，大爆秘聞。

祖兒在張衞健手中接過新人獎，十分感動。

Ivana（左起）與G.E.M.在台上傾女人經，悶呆了身旁的C君。

農夫羨慕Ivana倫敦取景

原來祖兒最想邀請李克勤任嘉賓，但因TVB與四大唱片公司的版稅糾紛未解決而未能如願，祖兒無奈地說：「克勤最能表達對我嘅感受，人生豈能盡如人意，唉！」有傳克勤約滿環球密謀跳槽，祖兒卻毫不知情：「我哋傾湊仔經，佢係有實力同價值嘅歌手，如果佢加盟英皇，係公司嘅光榮，我有同公司講過！」綜藝及音樂科高級經理陳家揚承認曾親自邀請克勤：「佢話處境尷尬而婉拒，我無謂強人所難！」並否認因版稅風波而炮製全新音樂節目。

同場的Ivana將飛往英國倫敦取景，而Ivana更有幸成為唯一一位出外的歌手，前晚她風騷地說：「立春後我冇犯太歲，好好彩！」而農夫則大為羨慕：「我哋願意用嘉賓周秀娜換倫敦取景o架！」