阿佘、陳豪、陳法拉、鍾嘉欣及李詩韻等昨日出席無綫古裝劇《公主嫁到》拜神活動，陳豪與阿佘有講有笑，影大合照時更被同場演員嘲笑，有演員更大嗌：「三好（阿佘在《宮心計》中的角色）係陳豪嘅！」惹來一陣笑聲，難得緋聞男女仍相當大方，當阿佘接受訪問時，陳豪更送上提子，但就拒絕餵對方！

去年《宮心計》大熱，阿佘（左一）率原班人馬乘勝追擊。	無綫古裝劇《公主嫁到》舉行拜神儀式，人多勢眾！	陳自瑤（左）與李詩韻各具美態，平分秋色。

事後，阿佘表示控制不了緋聞，只要不是太過分，她不會採任何行動，不過今次與陳豪傳緋聞就有少少踩中底線，令她很嬲：「依家進入咗法律程序，唔方便講太多！（陳豪唔餵你食提子？）唔需要刻意做啲令人誤會嘅嘢嘅！（有演員話三好係陳豪嘅？）都係好事，起碼三好令人咁捧場！（見到陳豪尷唔尷尬？）做咩要尷尬？同事嘛！佢係一個好合作嘅對手！（避忌？）如果係就好難說服自己同觀眾鍾意呢段關係同感情啦！」她透露感情狀況是等待及期待，一切順其自然。

林峯探李香琴班，相當有心！

鍾嘉欣外形秀麗，宜古宜今。

「真金不怕洪爐火」

另一邊廂，對於與阿佘傳緋聞，陳豪說：「希望快啲平息緋聞，我唔太怕，一句到尾『真金不怕洪爐火』！（已有『真金』？）呢啲係你講，唔係我意思！」提到阿佘傳緋聞並非首度，為何今次要採取法律行動？他說：「若加罪於人，程序上不合理，女仔最重要係貞節！」