去年與台灣人氣偶像敖犬傳緋聞的傅穎，自從否認戀情後，再次回復單身！正月十五是中國情人節，Theresa坦言不介意冇拖拍，日前與羅仲謙一身情侶裝打扮，還自製浪漫感受節日氣氛。外表相襯的二人，更合力炮製Q版虎年揮春，Theresa不忘畫上心心應節，想不到一向愛寫作的她，畫老虎亦有板有眼，她搞笑地說：「呢隻係招財虎，係女仔嚟，同我一樣戴咗大眼仔同假睫毛，希望大家新一年招財進寶。」而身旁的羅仲謙亦大讚她畫得很靚，最後他在揮春寫上心想事成，展望新的一年事業順利。

Theresa和羅仲謙合力炮製Q版虎年揮春。	Theresa不急於找男友，更坦言與羅仲謙不過電。	Theresa和羅仲謙恭喜大家虎年發財，萬事如意。

不心急搵男友

雖然元宵佳節形單影隻，但Theresa坦言不急於找男友，問她會否考慮羅仲謙，她笑說：「我哋唔會過電o架！因為我比較鍾意年紀大過我嘅男仔，但佢同我同年。（新一年想唔想拍拖？）唔係咁想，今年公司安排咗好多工作畀我，我唔想分心，不過如果遇到一個好鍾意嘅，又唔想錯過，所以有少少矛盾。」

談到有報道指她上圍升Cup，她即時很大反應的說：「一定冇可能啦！可能係角度問題。（唔想好似Jessica C.咁大？）冇諗過喎！大細唔係自己控制，不過有時戴Nude Bra都會有咁嘅效果！」

羅仲謙對於被Theresa一口拒愛，他表示不介意，又指兩人私下是可以傾心事的朋友，提到今個新年，家住圍村的他與村民熱鬧慶祝：「今年攞咗好多利是，成條村啲人都識得嘅！我周圍走去拜年，都幾開心。」近年跳入電視圈的他學到不少東西，特別要多謝郭晉安的指導。