農夫師妹樂瞳最喜歡儲飾物，對於如何配襯，她如數家珍地說：「有時就算件衫好簡單，但如果襯啱飾物嘅話，成個感覺會即刻唔同！好似黑色衫襯閃閃頸鏈、戒指，就有型嘅感覺；又或者紅色、桃紅色咁鮮艷嘅衫，配番啲白色或簡單款式嘅飾物，就可以平衡番成個造型！」她透露家中單是頸鏈已有近百條，更把它們視為寶貝，設計專櫃擺放：「我喺床邊用塊水松木板釘起晒佢哋，淨係掛出嚟已經好靚．日日起身見到都賞心悅目。」

樂瞳特別推介日本品牌Zucca的白色頸鏈。	樂瞳愛儲顏色豐富的飾物，方便配襯。	樂瞳分享配襯首飾的秘技，又取笑媽咪買的飾物好「娘」。
樂瞳喜歡以靚衫配襯靚首飾，她笑言這樣會有好心情。

取笑媽咪好「娘」

很多人認為女人購物必定很瘋狂，但樂瞳卻主攻平靚正飾物，絕對不是「大花筒」的港女一族，她說：「有時買到價錢唔貴又靚嘅飾物，真係好開心！我最鍾意波波同豹紋款！最平試過20蚊買咗條頸鏈，我會一次過買好多條，就算依家諗唔到點襯，都實有機會用到，我媽咪都係潮媽嚟o架，我哋成日兩份戴飾物！」樂瞳踢爆媽咪亦有失手時：「佢試過返大陸旅行嘅時候，買咗『好娘』嘅珍珠頸鏈、民族頸鏈送畀我，跟住我笑佢『下次都係買嘢畀我食好啲』！」