龐維仁入股金牌大風成為新老闆，其母龐盧淑燕昨日出席活動時，坦言聽過金牌大風旗下歌手張惠妹的歌，問到有否留意其他歌手？龐老太說：「Stephanie囉！」記者問她是否指Stephy？她笑笑口說：「係呀！係呀！」至於Stephy昨日出席SHISEIDO活動時，對於被龐老太叫錯表示不介意，更自爆：「我成日喺街都畀人叫錯Stephanie，但禮貌上都有應對方，之後先話佢哋知我叫Stephy！」

龐維仁母親叫錯Stephy做Stephanie，但對方並不介意。	穿上Low-cut裙的Mandy Lieu，大晒白滑肌膚。	鍾浠文穿上背心兼大騷長腿，性感養眼。

活動上，大會邀請有台灣美容教主之稱的牛爾，在嘉賓Stephy、Mandy Lieu及「翻版徐子淇」鍾浠文的面部和手部示範各種護膚產品，牛爾在Stephy玉臂上示範塗抹防曬用品，並細心用雙手替Stephy按摩，由於他的手多次接近Stephy胸部及腋下，令Stephy一臉尷尬，事後Stephy說：「我知道牛爾老師會同我按摩隻手，但唔知佢咁細心，佢差啲按到我腋下！（掂到你重要部位？）冇，不過好近，有啲痕！」

踩小方粗心大意

問到會否叫緋聞男友方力申替她按摩？Stephy即踩他說：「佢粗心大意，又唔係好貪靚，只介紹過上門嘅按摩師傅畀我！（幫佢按？）佢就想！」