俗語都有話「好嘢唔怕同人分享」，身材驕人嘅趙碩之就絕對能夠將呢個精神發揚光大喇！話說有日小小So去咗碩之做嘢嘅現場探班，咁啱佢要換衫，正當小小So諗住開門走唔好阻住人哋換衫嘅時候，碩之已經若無其事咁喺小小So面前除咗件衫，雖然小小So只係見到碩之坦蕩蕩嘅背影，但已經嚇咗一跳，難得碩之神態自若，仲問小小So去邊度食飯添！
小小So：（驚魂未定）你咁樣喺人哋面前換衫唔驚咩？
碩 之：驚咩喎？換衫之嘛！你唔好咁保守啦！你淨係睇到我背脊之嘛！
小小So：不過頭先換衫嗰度只係一間臨時搭嘅房仔，你唔驚有人偷影呀？
碩 之：佢偷影係佢唔啱，而且間房係大會同經理人安排畀我o架嘛！我對佢哋有信心喎！我平時做嘢都係咁，只要換衫嗰陣快手快腳同小心啲，就冇事㗎喇！好多模特兒都係咁o架啦！
小小So：Er……咁你個胸谷得咁自然，平時係咪要用好貴嘅Nude Brao架？
碩 之：咁又唔係喎！因為我哋成日都要用Nude Bra，喺小數怕長計嘅大前提下，我平時都多數用啲幾十蚊嘅Nude Bra，貪佢爛咗都唔肉赤！我阿媽仲幫我做過Research，話銅鑼灣有度賣Nude Bra好鬼平添！