新城昨日舉行新春團拜，祖兒、鍾舒漫（Sherman）及泳兒送上盆栽賀盆滿缽滿，新城董事總經理馬健生宣布喜訊，指電台已連續5年在廣告收益上打低對手，今年更有連番大計，下月會舉行祖兒音樂會，6月則有方大同及蕭敬騰的音樂會，電台今年更會力捧薛家燕及林盛斌（Bob）。

祖兒為醒獅點睛，盡顯天后地位。

祖兒送上盆栽祝賀，新城董事總經理馬健生（右二）喜上眉梢。

祖兒將在虎年打頭陣為新城做騷，由於地點在亞洲國際博覽館，她坦言對場地又愛又恨：「因為同觀眾距離遠啲，要加多幾錢肉緊！諗咗一件好勁嘅歌衫，有13層，每首歌甩一層，甩剩舞衣！（『冇』衣？）係舞衣，Dance呀！總之好貼身！」屆時陳偉霆、洪卓立及Sherman會助陣，問到會否叫兩男幫手換衫？她笑說：「睇吓邊個觀眾想幫手啦！（台上大解放？）純粹視覺效果！觀眾要求好高，唔止耳仔享受，視覺上都要吃冰淇淋！（騷身材？）史上最冇嘢睇，惟有畀件衫人睇啦！」

Sherman大叫緊張

至於擔任嘉賓的Sherman坦言很緊張，她說：「好驚呀！到時要望實祖兒，因為佢會畀安全感我！」而泳兒則表示一定會捧場，更期待看祖兒在台上換衫。