梅雪詩：寶珠媽咪係我哋嘅前輩，細個時每次見佢都覺得和藹可親，今次事件實在好突然，龍劍笙亦已經知道，大家內心都唔舒服。
南鳳：尋晚見寶珠姐間房閂埋咗，工作人員又好沉重，但返到屋企先知。我聽寶珠姐講過：『唔係佢帶大我，我根本養唔大，所以好感恩。』佢都好錫媽咪。（慰問？）會寫信畀佢，口講好難。」
李香琴：早上我已經同寶珠通電話，叫佢最緊要鎮定，仲鼓勵佢好好做埋其餘三場！我同宮粉紅未合作過，佢係前輩，早我好多年出道。
羅家英：同宮粉紅前輩唔係太熟，據我所知，八和方面暫時未有搞追悼會嘅決定，始終宮前輩同八和關係疏離。
謝賢：同寶珠合作過幾部戲，但同宮粉紅就好少接觸，今次屬於意外事件，希望寶珠堅強面對。
林建明：我同陳寶珠經常有來往，但見宮粉紅好可愛，有返老還童嘅感覺，其實佢呢種形式走，都係有福，唔使受痛苦。
陳志雲：我當時都喺紅館，聽到伯母離世好愕然，希望寶珠節哀順變，我諗事件唔會影響佢演出，寶珠好專業，佢嗰晚都做得好好，反而我哋喺台下睇到好心痛。