粵劇名伶宮粉紅前晚在紅館捧養女陳寶珠演出賀歲粵劇時，突感不適而送入醫院，搶救後返魂乏術。當晚有份陪伴宮粉紅睇騷的養女陳寶儀與其夫婿羅樂林，收到消息後即趕往醫院，昨日羅樂林接受電話訪問時說：「當時佢已經過咗身，我哋交帶工作人員唔好同寶珠講住，唔想影響佢演出，所以第二幕寶珠喊得好犀利，唔係因為出事而喊。」他還表示外母走得安詳，問到醫生有否交代死因，羅樂林說：「前晚我哋凌晨1點幾離開，因為太夜，醫生冇交代因乜事過身。雖然依家新正頭，但個個親友都好好，主動幫手搞身後事。其實外母睇到寶珠嘅成就，佢係好開心離開，走得冇痛苦，係外母修到嘅福氣。」
昨晨十一時半，寶珠姐兒子楊天經在女友珊珊陪同下，抵達葵涌公眾殮房認屍，同行包括兩名中年女子及寶珠姐的助手。天經甫落車便被大批記者包圍，但他並未回應記者提問，只叮囑記者「小心啲」，然後匆匆往殮房認屍。大約逗留一小時，天經與女友離開，雖然心情沉重，但保持微笑，並在玻璃門前雙手合十。被問婆婆是否走得安詳及何時出殯等問題，天經均不發一言。上車時，坐在後座的天經以紙巾抹鼻，神色哀傷。下年二時十五分，寶珠姐的助手再度折返殮房補辦文件。