女子組合HotCha曾無數次公開「尋愛」，欲邀請靚仔男藝人擔任MV主角，讓自認Dry爆的她們邊拍MV邊享受久違的戀愛感覺。成員Crystal早前為其獨唱歌《井底娃娃》拍攝MV，邀得范曉萱前男友周俊偉擔任嘉賓，Crystal坦言欣賞對方的音樂才華：「佢以前喺台灣唱歌都好多歌迷o架！佢又識玩音樂，把聲仲好吸引添！佢嘅《初戀嗱喳麵》、《見鬼》同《六樓後座》等電影我都睇過，仲記得睇《見鬼》嗰陣其實幾驚，但又好想睇佢，夾硬拉埋啲朋友陪我去睇囉！佢拍戲嗰陣個樣好傻、好可愛，今次難得可以合作拍MV，希望遲啲有機會可以合作拍電影，可以合唱就更好啦！」