無綫藝員康華、陳智燊及趙碩之，前晚錄影由嘟姐主持的節目《逐格鬥》，席間康華向嘟姐極力「推銷」陳智燊：「佢高大靚仔眼又大，嘟姐你要換吓口味！」擺明暗寸其前男友呂方眼細兼矮小，嘟姐聞言即笑着反擊：「你咁鍾意，你嗒咗佢啦！估唔到今集搵咗隻女色狼上嚟！」

彭健新（右）帶同愛犬OK仔及電子OK仔錄節目，吸引來賓爭住抱。

暫時封「咪」的趙碩之瞓身出擊，玩到坐地亦在所不計。

趙碩之封「咪」出戰

至於身材驕人的趙碩之，換上大會指定服裝後，「咪咪」稍事休息，但無損其衝勁，主動舉手要求出賽的她，挑戰「水泡角力賽」時，玩到瞓身趴地亦在所不計，事後她說：「以前參加遊戲節目只係掛住贏獎金同獎品，今次我會玩得投入啲同放啲，所以我連眼睫毛都冇黐！」此外，同場的彭健新帶同愛犬OK仔到場，OK仔更不時做出恭喜發財動作，逗得觀眾相當開心。