憑《歲月神偷》在柏林電影節勇奪「水晶熊獎」的羅啟銳和張婉婷，昨日接受查小欣節目《巴巴閉邊個夠我查篤撐》訪問，羅啟銳說：「套戲拍咗個半月，但籌備唔止十年！」張婉婷則透露他倆有十幾個夢想，《歲》片只是其中一個：「有啲幾千萬，有啲成億！《歲》片只係千二萬，所以平平哋拍咗佢！」她又透露《歲》片由籌備至成功開拍，經歷了十年歲月：「叩過好多次門，啲人唔使聽已經覺得冇賣點！」羅啟銳更自嘲：「我話拍自己嘅童年故事，啲人話冇人想聽！」張婉婷亦無奈地說：「所以拍咗《七小福》先，因為啲人會睇成龍！」羅啟銳補充：「拍《七小福》時我想加入鞋匠角色，但畀人否決，最後我只能加入一個童年角色！」說來相當唏噓。

張婉婷籲翻新永利街

羅啟銳又透露堅持拍《歲》片的原因：「八、九歲時哥哥出事，對自己創傷好大，明白到生老病死，好想拍一部電影令自己釋懷！」《歲》片的成功，不但令他們名揚柏林，甚至連以色列電影局都力邀他們開戲。此外，他們昨日出席電台團拜活動，張婉婷呼籲政府翻新《歲》片拍攝場地永利街，而羅啟銳則建議：「希望政府新嘅盡快建設，舊嘅唔好拆咁多。」