與Janice Man同期彈起的Angelababy，最近跨界到影圈發展不俗，不過戀情亦備受注目，日前再傳出與緋聞男友黃曉明在上海密會，指她返上海時不是直接返家，而是住酒店，方便與男友見面。雖然Baby經理人Kim已否認二人交往中，但由於緋聞愈傳愈盛，她再度澄清：「佢每次去上海都要住酒店，因為婆婆屋企唔大，唔通要老人家同佢逼咩？」而Baby亦在網誌上公開在外婆家中為她設的「蟹宴」，以相為證澄清與黃曉明的緋聞。現身在夏威夷工作的Baby於當地享受陽光與海灘，並表示愛上水上運動，更大晒滑水英姿。另一邊廂，陳偉霆對於前緋聞女友Baby密會黃曉明一事，一律不回應：「唔想再糾纏喺緋聞度，而且我哋長時間冇見面。」