靚靚、張家輝與台模宋紀妍及雪芙昨日出席護膚品牌活動，席上靚靚與家輝玩踢爆，被家輝冠以「惡女人」之名的靚靚不但沒有發怒，更揚言不介意別人的評價：「惡都唔係唔好，起碼嚇怕啲冇禮貌、或者想問我借錢嘅人。」她大讚老公張智霖有主見，不可硬碰硬，反而要以柔制剛。當被取笑在老公面前馴如小羔羊時，靚靚說：「愛一個人梗係珍惜佢！」問到老公身邊若有「飛來蜢」會如何應付，她說：「我會安排一個安靜環境畀佢思考，等佢諗清楚想變定維持現狀，吓吓用手段都好攰。」

至於家輝則坦承身邊統統都是惡女人，他笑說：「好似靚靚咁，好聽咪爽囉！難聽啲咪即係臭檔。」對於被靚靚踢爆在愛女面前頭耷耷，他承認在家中毫無反擊能力，問到可有打算生個囝囝「抗衡」，家輝無奈地說：「呢個主意唔錯，不過我成日唔喺屋企，容乜易畀人訓練做『無間道』？」雖然有感太太性格太強，但家輝表示若另一半太小鳥依人，自己亦未必能夠接受。

《歲月神偷》奪獎感光榮

對於《歲月神偷》揚威柏林，家輝說：「雖然我冇份拍，但我相信中國電影喺海外愈嚟愈有影響力，我有幸成為呢架火車上嘅一分子，當然好光榮！」