周秀娜（Chrissie）昨日在銅鑼灣鬧市出席香口膠活動，活動舉行前，何超蓮拖着男友Jeremy路過，即被記者邀合照，而他們亦乖乖企定。向來愛追星的超蓮，好奇地追問有哪位明星到場，得悉是Chrissie後，她很感興趣，相隔十五分鐘後更獨自折返，表示想見Chrissie，問到覺得對方身材如何，超蓮說：「好好。（羨慕？）唔羨慕，我覺得自己身材都好！」期間有公關遞上紀念品欲邀超蓮留下，但四周人潮增加，超蓮即說：「都係唔睇喇！咁恐怖！」然後急急腳離開，往養和醫院探望父親。

撇下男友後，超蓮獨自折返，希望一睹周秀娜風采。

在銅鑼灣湊熱鬧後，超蓮前往醫院探望父親。

不滿被影射

至於Chrissie最近是非纏身，被影射偷去電影《敗犬多情》拍檔敖嘉年的手提包，問到是否手緊，她寸爆說：「我話想買樓啫！不過我由上年已經手緊到依家！其實嗰日我都喺度，本來好眼瞓，不過聽到有人唔見嘢，即刻醒晒，仲幫手一齊搵添！（影射係你偷？）唔係吖嘛！我拍緊《Wedding Planner》（《敗》片英文名應是《Perfect Wedding》），唔係《歲月神偷》喎！」

身穿短褲仔的Chrissie，在街頭出席活動，吸引大批途人圍觀。

周秀娜自嘲「手緊」，但強調絕對沒有偷竊！

另外，有指同片的楊千嬅不滿她靠身材上位，Chrissie即學千嬅大笑姑婆上身，並說：「我都收到丁太利是，佢好Nice，唔覺得佢杯葛我。（學佢做大笑姑婆？）係呀！我都畀佢感染，都話佢Nice o架啦！」對於最近是非不斷，她笑說：「幾好吖！多是非係咪代表人緣好、桃花旺呀？」