名模Lisa S.昨日為太古廣場的賀年活動擔任司儀，當她接受記者訪問時，竟問誰已婚要派利是給她。Lisa自言今個農曆年仍未逗過利是，她說：「零封。（係咪因為你結咗婚，所以人哋唔派利是畀你呀？）I am not，我未結呀！（吳彥祖父母冇畀咩？）未見佢哋。（咁你幾時派利是？）結咗婚囉！5年後啦！」
她透露男友吳彥祖（Daniel）身在內地拍戲，未能跟她慶祝情人節，問她是否感到Lonely，她說：「So lonely but not really，有大班朋友陪我過。我同Daniel從來都冇慶祝過情人節。」而曾揚言退休的Lisa亦趁機澄清，她指的退休只是不做模特兒工作，現在主要擔任主持和拍電視節目，她笑說：「我真係老喇！成65歲喇！你哋見我咁青春係因為我打咗好多Botox。依家模特兒界新人輩出，好似Jessica C.，我要畀工作佢哋，自己13歲開始就做Model，都好攰想休息吓，呢個係個合適嘅時候。（男友支唔支持你？）佢話如果我開心，我鍾意做到100歲都得。」
