小小So縱橫娛樂圈咁多年，見慣晒啲藝人口面，有唔少「人前人後」兩個樣，仲叻過四川啲變臉大師！不過，亦有唔少有禮貌嘅藝人都好抵讚，就好似王君馨咁，身為港姐又叻又靚女，跳舞又厲害，原來呢個「竹升妹」仲禮貌周周，不知幾乖女！
小小So前排撞到王君韾，佢竟然搭專線小巴去買餸，但身上冇散紙就衝咗上車，搞到後面排隊嘅師奶都對佢「側目」。君馨一面尷尬，惟有狂講對唔住，呢個時候即刻有個講英語嘅男士自告奮勇幫佢畀錢，君馨仲不停講「Thank you very much」之餘，之後兩個人一齊坐！兩人用「雞腸」傾唔停，傾讀書、工作同人生大計咁，臨走仲祝福對方搵到喜歡嘅工作，認真親切！
