樂壇天后Joey與歌王Eason出席麥當勞35周年誌慶活動，他們分別穿上以豬柳蛋漢堡包紙及魚柳包紙設計的連身裙及西裝，搞笑兼有型！大會安排兩人與350名青少年齊齊跳竹舞創健力士世界紀錄，心情興奮的他們更齊齊跳起大合照，但不慎弄破紙衫，Eason笑說：「都唔係第一次爆褲啦，而且有打底冇走光！」

Joey、Eason與麥當勞叔叔High到彈起，導致Eason跳爛褲。

Joey笑言成功使計向Eason逗利是。

Joey透露年卅晚與Eason齊齊到北京為春節晚會表演：「我哋幾個女仔組團同佢請安，平日佢扮唔記得，今年係第一次𢭃到陳奕迅封利是！」她又透露新年在家中開Party及打麻雀：「我同阿媽打到啲朋友走都唔捨得起身，仲叫佢哋自己開門走！（情人節有冇收禮物？）冇呀！（何韻詩有冇送？）點解要送呀？好朋友又唔係情侶！」

代言運動服吸金

問到Eason預備多少錢派利是？他說：「原本今日都準備好利是，不過估唔到咁多人，我結婚都咁低調，就知我係咩人啦！其實冇預幾錢，唔夠咪再唱囉，下次唱多啲硬幣啦！（阿女同你拜年？）冇呀！初一都係瞓覺！（冇新年氣氛？）我間屋又大、又凍、又冇熱水兼冇暖氣，我哋呢啲都係表面風光！」他又透露情人節並沒有與太太徐濠縈慶祝，亦沒有送禮物。

另外，Joey連續三年任運動服品牌Reebok代言人，並邀得倫敦著名攝影師Diego Merino拍攝全新平面廣告，他大讚祖兒充滿活力，在彈彈球上跳足一日亦毫無倦意，相當專業！