林峯及阿Sa近日為英皇娛樂及邵氏電影合作的新片《翡翠明珠》趕工，他們日前偕關智斌、洪卓立、袁偉豪及高鈞賢等，在將軍澳電視城古裝街取景，現場的布置桃花處處，相當應節，惟當晚氣溫只有約十度，寒風凜冽，故他們不用埋位時即到保母車休息，以免着涼！

放大圖片	洪卓立（左起）、關智斌、林峯及阿Sa在低溫下拍攝，凍到入心入肺。

阿Sa表示當晚跟林峯拍攝一場「非一般」的邂逅場面，她說：「我哋喺戲入面係鬥氣冤家，今次我女扮男裝，同佢第一次邂逅，仲會互相掌摑添！」由於天氣寒冷，阿Sa坦言早已準備禦寒衣物：「好彩今日着男裝，多啲衫，我都加咗兩件羊毛底衫！」

萬歲宴請150人

談到拍攝趣事，阿Sa透露劇組人員最喜歡跟林雪開玩笑：「你哋都知雪哥講啲廣東話唔係咁正o架啦，所以當佢一講嘢嘅時候，我哋就會拎晒啲電話埋去，仲錄埋音做電話鈴聲添！」林峯則表示深明劇組人員趕工辛苦，故不時與阿Sa齊齊「萬歲」，最高紀錄共宴請逾150位工作人員，絕無手軟！