楊千嬅昨日以Burberry Prorsum春裝出席《金龍醒獅賀新歲》活動，為五頭醒獅點睛，又大派印有「丁」字的利是。期間千嬅甫見財神，即興奮地攬實對方，並開口為老公丁子高逗利是，鬼馬的財神以利是拍拍千嬅肚皮，表示要給她肚中的BB，引得千嬅哈哈笑說：「未有！不過都收定先。」

財神以利是拍拍千嬅的肚皮，祝福她早日生BB！

「丁太」千嬅興奮派利是，笑言好像「魚塘餵魚」。

對於丁子高派利是時甚為緊張，千嬅說：「唔知佢緊張乜！年廿八已經入利是，搞到我都緊張埋！」她表示今年的確比往年派得更多利是：「好似魚塘餵魚！（財神畀利是你個BB？）預祝我啫！連佢都緊張呢單嘢。」對於丁子高日前透露兔BB與其生肖很夾，千嬅抵死地說：「佢好八，叫佢開節目啦！真係好鬼誇，我知佢鍾意小朋友，等我做埋所有工作先，順其自然啦！」

唔肯夫妻檔合唱

問到奶奶有否催抱孫？千嬅說：「每個長輩都想兒孫滿堂，盡力啦！今年好多人祝我早生貴子。（情人節點過？）大家都叫大家唔好送嘢，陪住我一分鐘已經好開心。」她又透露公司曾提議兩夫婦合唱，但她說：「梗係唔得啦！好大鑊。」