任達華：「依家明星足球隊會安排所有嘢，米雪唔使擔心，繼續工作，佢係好堅強嘅人。（之前見過尹佬？）新年前見過，總之朋友離開咗，其他嘢唔想再多講。」
劉浩龍：「初四我哋明星足球隊落場練波，到場有黃日華、許志安……件波衫原本係紅色，而我為咗尊重前輩改着黑色衫，點知其他人都一樣，冇夾過o架！（開場前默哀？）又冇，尹佬永遠喺我哋心中！」
黃日華助手阿國：「失去尹佬呢位戰友唔好受，少咗個人出去踢慈善球賽，尹佬好鍾意，好可惜！華哥接到死訊後冇咩講，只係話睇佢哋（尹佬方面）有咩幫手就做，如果工作檔期有撞就盡量遷就。」