尹佬病逝，一直視對方為契仔的南華會副主席許晉奎昨日表示，兩人感情特別深厚，因他一手提攜尹佬出道：「當年我喺青年軍選拔睇中佢，74年正式加盟南華，同佢同期加入嘅有蔡育瑜同施建熙，三位新丁被稱為『三傻』，為球隊建功立業，帶嚟好多歡樂。」
許晉奎指尹佬當時球技一般，但勝在步大力雄，頭槌了得，永不認輸，球品之佳更是人所共知，故成為當代最佳中鋒：「由細睇到佢大，睇住佢踢波、拍戲、從商、做馬主，50幾歲就走啦，實在好可惜！」他在球壇30年來栽培無數本地球員，自言所有球員都是他的「契仔」，尹佬更是其中一位最得他歡心的球員：「70年代嘅南華球員退役後成日組織聚會，拉隊出外遊埠，每次活動尹佬都係活躍分子，有佢出現嘅場合，氣氛好熱鬧，但自從佢患病，連我哋近年都好少聚會。」