痛失愛郎的米雪，繼續拍攝新劇《女人最痛》。因劇情需要，她前晚和昨日先後被同劇演員江美儀和陳自瑤破口大罵，兩人面對米雪都於心不忍，但又佩服其專業。
昨日外景中，飾演米雪下屬的江美儀，要告發上司，故有對罵戲份，美儀說：「今日場戲係講我要去告發佢，都要鬧佢o架！佢好專業，冇乜NG，間場時都有講有笑，我哋見到佢咁，都唔使擔心啦！大家都明，唔使刻意講，張可頤又煲花膠湯畀米雪飲，現場好開心，米雪仲好大方，話要同我分甘同味，請我一齊飲。」
而飾演「狐狸精」、搶米雪老公的陳自瑤（YoYo），前晚演踩米雪場（她的辦公室）搞破壞戲份時，亦得米雪教路。YoYo雖知對方心情不好受，而同場對手無明顯提及尹佬的事，只向米雪拍膊頭以示安慰，一切盡在不言中，YoYo說：「米雪姐好堅強，佢仲教我點樣鬧佢，好專業，場戲拍得好快，十一點幾就收工。」