陳敏之去年主力拍劇，在電視劇《美麗高解像》中飾演吸毒女星，深受歡迎，名利雙收，忙於拍攝新劇的她表示，今個新年有三日假期陪家人過年兼叉電︰「劇組有三日假，之前新年我都喺工作中度過，出埠登台，今年就留喺香港。」傳統的敏之愛在新年陪家人四出拜年，食賀年食品如蘿蔔糕，她說︰「我好鍾意新年，會去玩吓，因為鍾意同親戚朋友敍舊嘅感覺。」

陳敏之去年收入理想，計劃投資買樓。

傳統的陳敏之準備了一萬元封利是，與眾同樂。

煥然一新

去年敏之工作順利，收入理想，當問到是否過肥年時，她稱很滿意09年的成績︰「收入多咗，我係好傳統嘅人，會買啲實際嘢，好似我會買樓，因為可以保值。」敏之笑言買樓的首期已儲得七七八八，而當問到會否派利是時，她表示每年都準備一萬元利是︰「過年係開心嘢，梗係派啦！派唔晒會留番下年。」一向傳統的敏之小時會把攞回來的利是放在枕頭底做壓歲錢，她當然亦會送舊迎新︰「門口地氈會換過新嘅，植物都會換水，所有嘢都要有新開始。」

談到新年願望，敏之希望工作在新的一年會有多點突破和多元化發展，除拍劇還想參演舞台劇，更有意出書做才女，她說︰「我上年都有做舞台劇同出書，反應都唔錯，好多人都問我會唔會再出書，我梗係想，但冇時間寫。」工作浪接浪的敏之亦希望嘗試不同的角色，給觀眾新的感覺，她說︰「其實我想演紀律部隊，或者係一啲奸角，想接受多啲新挑戰，希望新一年有一個新形象畀觀眾睇。」