不少藝人都愛掛住情侶檔招牌搵銀，高鈞賢和胡定欣這對組合亦希望在新的一年拍住上，定欣笑言要飛起緋聞男友馬國明，她說：「我有好多緋聞男友喎！其實我份人好易襯，拍邊個都得，就算高鈞賢年紀細過我都冇所謂，我扮細啲，都冇人知我年紀。」25歲的高鈞賢直言初戀也是玩姊弟戀，他說：「可能我比較早熟，入咗行四、五年清楚知道呢行冇乜保障，所以一早同家姐夾份供樓，今年供完架車後，打算儲啲錢投資股票或基金。」
定欣和高鈞賢均希望新的一年事業更上一層樓，定欣說：「三月底會開拍《巾幗梟雄之義海豪情》，睇咗十幾集覺得角色好吸引，演一個衰女包，希望呢個新挑戰能令觀眾接受。」
