曹敏莉的兩頭貴婦狗分別是雄性歲半的Honey和雌性一歲的Belle，Mandy日前偕胞妹曹蕙蘭（前名曹敏寶）往寵物超市辦年貨，狗狗雀躍得似甩繩馬騮，要兩姊妹費盡力氣，出盡法寶，又嚇又氹才能令牠們乖乖拍照，Mandy說：「平時喺屋企冇咁癲，出到街先至咁興奮。」兩人為愛犬添置賀年衫、狗糧及零食，滿載而歸，她說：「已經教識咗佢哋請請拜年，新年會帶埋佢哋去親戚屋企攞利是。」

曹敏莉與曹蕙蘭為兩個寶貝挑選新年靚衫仔。

曹敏莉與曹蕙蘭花盡力氣氹狗狗拍照。

問到大年初一情人節怎樣度過？Mandy大賣關子說：「我會同『Honey（貴婦狗）』過，今年情人節又係大年初一，新年應該陪屋企人，會同屋企人去拜年。」另外，曹敏莉指今年一家人還有「特備」節目，剛巧她主演的新劇《老公萬歲》初三播出，到時一家人將排排坐在家中煲劇。

互相祝福幾個鐘

最近改名的曹蕙蘭被問到是否迷信？她笑說：「屋企由細到大教我哋風水命理只係用嚟參考，叫我哋只係記住好嘅就得。我哋屋企新年仲有個習俗，就係大家會不停同對方講恭喜說話，可以恭喜人幾個鐘咁誇張，咁就會好事成真。」