即將踏入虎年，「新邦民女」Anjaylia、「Canon少女」Evelyn、「陽光少女」Leanne及《大廚出馬》助手彤彤，齊齊到奧海城先向老虎仔拜早年。提到年初一撞正情人節，與Mr.鼓手Tom傳緋聞的Evelyn即時落閘：「初一逗得最多利是，梗係陪家人過節啦！」不過，Anjaylia卻踢爆她的「好朋友」原來要工作：「太好彩喇！年初一撞啱情人節，唔使諗節目，對單身嘅我嚟講係好事！」

彤彤（前）與Leanne指家中新年習俗多多，為免捱鬧不敢不從！	Anjaylia（左起）、Evelyn、彤彤與Leanne陪老虎仔坐咖啡杯沾旺氣。	Evelyn與Anjaylia預祝各有情人能開心過情人節。

過新年禁忌多

縱使她們也是「80後」少女，但她們仍聽從家人的傳統習俗過年，剪了一頭短髮的Leanne說：「雖然啱啱剪咗短髮，但媽咪都叫我初一到初三都唔畀喺屋企洗頭，佢話會洗走晒啲好運！如果真係頂唔順就要去髮型屋。」而彤彤表示家人會將壓歲錢於年三十晚偷偷放在她的枕頭底，最愛買鞋的她要守一個月「禁買鞋令」：「屋企人話新正頭買鞋『鞋鞋聲』唔好喎！」

雖然沒有戀人相伴，但她們一見可愛老虎仔即忍不住，嚷着與牠坐情侶咖啡杯，又要摸摸牠一沾好運。她們坦言希望新年工作繼續接踵而來，事業愛情兩得意。