盧頌之（DaDa）、裴殷（A.Lin）及蔡穎恩（Evelyn）等昨日收起性感打扮，與一班o靚模出席日本食肆開幕，大派簽名月曆，場面熱鬧。問到可覺得o靚模熱減退令工作量減少？DaDa說：「工作量反而穩定同平均咗，最近我仲練側手翻、倒豎葱準備喺商場表演，希望吸引小朋友Fans。（唔行性感？）唔同場合有唔同衣着需要，Model工作依然會健康性感。（情人節點過？）總之有人約啦！」至於A.Lin則表示年三十晚會到拉斯維加斯旅行，問到是否與男友二人世界？她只說：「總之係朋友啦！希望喺嗰邊有異地情！」