陳偉霆（William）與Baby的感情關係剪不斷理還亂，兩人多次表明只是好友關係，但Baby前晚出席賀歲片《花田囍事2010》慈善首映禮，提到William與阿嬌的緋聞時，即打爛醋埕，板起口臉表示事不關己：「唔關我事！我哋係普通朋友。（相信傳聞？）唔知。（了解吓？）唔會，我太忙喇，冇時間去Take Care啲咁疏遠嘅朋友，大家好耐冇聯絡！」問到是否已不再關心對方？她表示要視乎甚麼事，至於是否不能做回朋友？她說：「見到面都會Say Hi。」但問到覺得William與阿嬌是否相襯時，她即說：「講真！唔覺得太襯！（同你最襯？）唔好強求呢啲。」此外，她亦透過Blog訴心聲，字裏行間表示不懂怎樣才算「找對人」，認為可能是「幸福」和「能讓對方開心」。

William亮相《勁歌金曲》，與女Dancer大跳辣舞。	Baby在Blog中留言，似乎對感情事感到迷惘。	熊黛林潮襯Blugirl連身裙及Jimmy Choo平底鞋，擁有Model身形的她露肩兼露腿，明艷照人。

另一邊廂，William否認與阿嬌撻着，他說：「冇撻過，亦冇諗過撻！佢係我心目中嘅好師姐！我入行時已識佢，係都一早發生咗。」不過他承認拍戲時因太投入過角色，因此會產生一點感覺，但煞科後已抽離。

熊黛林讚城城勁

此外，《花》片的首映星光熠熠，黃百鳴率領片中演員古天樂、吳君如、Angelababy、鄭中基、熊黛林及田蕊妮等出席，即使是戲份全被刪走的Freeze亦有到場。熊黛林被問到會否包場與郭富城睇戲，她說：「有啲咁嘅戲院o架咩？唔會喇！佢自己買飛，票房會好啲！」對於郭富城入圍金像獎爭最佳男主角，她表示對她來說提名已是件難事，問到是否覺得對方「好勁」？她說：「係呀！」