著名攝影師夏永康與拍檔陳國輝首次執導的新片《全城熱戀熱辣辣》，與時裝品牌Diesel合作推出影集，內容包括多張首度曝光的花絮照，如謝霆鋒浸浴缸玩電腦及吳彥祖咀徐若瑄等。夏永康與陳國輝受訪時表示碌爆人情卡，夏永康還公開感謝好友拔刀相助：「張曼玉同張學友對我好好，其實對住佢哋我仲驚。」自知麻煩的他更自爆為此片令到Stylist喊了幾次。陳國輝則點名讚賞Angelababy的表現：「佢真係會諗兼同我講好多初戀嘅嘢，演時毫無保留表達Innocent（純真）感覺，真係喊出嚟而唔需要用眼藥水，連工作人員都感動到喊！」
