昨日是年廿六，單身的傅穎（Theresa）抽空到維園行花巿。雖然恨行桃花運，但她笑言不敢在桃花園內亂轉圈：「怕行錯方向咪弊。」她還透露獲師傅贈言，今年會有合適對象出現：「希望靈驗啦！（對象有乜特徵？）呢個係秘密！」提到大年初一撞正情人節，Theresa坦言沒有特別感覺：「舊年都一個人喺屋企對住電視過，習慣o架啦！」踏入虎年，她希望好運重臨：「過去嗰年真係衰過犯太歲！今日仲腸胃炎係咁屙，衰埋呢幾日，虎年應該好運來。」
久未行過花巿的Theresa，甫到場即被不少巿民、檔主跟着走，相當搞笑，亦有男士送毛巾玫瑰花，總算收到第一份情人節禮物。
另外，Theresa「宿敵」鄧麗欣前晚出席動畫《喜羊羊與灰太狼之虎膽羊威》首映禮，聲演「灰太狼」惡妻「紅太狼」的她笑說：「紅太狼成日都攞個平底鑊打老公，現實都想要一個好似灰太狼咁嘅老公。（你都係惡妻？）我只係有少少專制，管老公都係為佢好。」