葉童與導演陳國熹結婚21年，經常手拖手出席公開場合晒恩愛，雖然陳國熹於02年被拍得與台灣性感女星安雅在酒店私會，翌年再被指搭上梅艷芳生前經理人王敏慧（Marianne），但葉童仍力撐老公，指他只是鬼仔性格。前日約下午4時，記者在中環發現一頭灰髮的陳國熹，與一名三十餘歲、OL打扮的中女現身ifc，在商場某個角落的櫃員機排隊按錢期間，陳國熹趁身後沒有人，主動上前緊抱女伴，另一隻手則按在腰間，繼而面貼面親吻，但當途人行近時，他即時避忌鬆手。其後，他與女伴並肩前往國金二期，行至大堂時，陳國熹不時四處張望，目送女伴搭(車立)上樓後，即獨自到附近超市買餸，未知是否急於返家向老婆補鑊？

啜爆 情到濃時，陳國熹輕吻女伴面頰兼掃腰。	彈開 陳國熹看到有途人走近，即與OL彈開。	陳國熹按機時，女伴寸步不離，看來交情非淺。

死撐普通禮儀

記者昨日就攬女一事致電陳國熹，他說：「其實當時係做緊嘢，對方係銀行家，傾緊投資嘅嘢！（識咗幾耐？）一陣啫！（一陣都咁，唔怕老婆嬲？）唔會啩？一般禮儀，普通朋友啫！」當記者想再追問他時，他續說：「我唔會再接受你哋訪問！」然後匆匆掛線。至於每次均出言力撐老公的葉童，今次只透過助手表示不作回應。