今年「最佳男配角」競爭激烈，謝霆鋒憑電影《十月圍城》入圍，當然十分高興：「呢部電影係我近期好滿意嘅一部，可以見到另一面嘅自己，所以特別開心同興奮！」張栢芝得悉老公獲提名後亦同樣感到開心，並笑言緊張過自己當年入圍金像獎。霆鋒的對手相當強勁，除梁家輝外，還有馮淬帆、方中信及張震。而梁家輝笑指在戲中要犧牲許多人，如今齊齊入圍，總算有個交代。
另外，面對多位勁敵的還有入圍「最佳女配角」的何韻詩，對手有趙薇和范冰冰等好戲之人，所以阿詩未存厚望，而同樣入圍的葉璇則大呼高興，並感謝杜琪峯和古天樂幫忙。
昨日出席金像獎記者會的有上屆影帝張家輝及何超儀，家輝坦言看好劉青雲和吳君如奪獎，而霆鋒則會贏「最佳男配角」，今年以「局外人」身份看入圍名單的家輝笑說：「舊年今日，真係好震驚好刺激，今年就會以參加派對嘅心情去出席，唔使緊張到成日去廁所。」
同場的何超儀則希望霆鋒獲獎，同時亦盛讚趙薇在《花木蘭》的演出超班，對青雲亦會看高一線，她笑說：「佢提名咁多次唔止攞得咁少，黃秋生攞幾多次佢都應該攞幾多次。」