喺呢個圈，好多後生仔女好鍾意去吓酒吧消遣，呢啲消遣地方真係造就咗唔少一夜情、戀情、甚至「攣情」，再唔係可能會搞出兄弟打交、朋友反枱、鹹豬手等火辣新聞。
不過小小So就知道要喺呢個地方搵到08年亞洲小姐冠軍姚佳雯（Eunis）嘅芳蹤都幾難，所以一切相關嘅新聞亦肯定唔會有佢份，Eunis仲同小小So講，因為佢有個「怪病」。
Eunis：我去親酒吧Clubbing消遣，或者參加活動，酒吧裏面嘅音樂都會令我雙耳耳鳴，要兩、三日至可以恢復正常聽力。
小小So：咁你聖誕、新年咪冇得狂歡？
Eunis：冇呀！一個人喺屋企睇電視倒數節目囉！所以啲朋友都笑我係新一代「宅女」。
其實有時可以去呢啲地方癲吓發洩吓都幾好，可惜，Eunis要發洩，就要諗第二個方法喇！