本文重點
有「長腳蟹」之稱的呂慧儀首次挑戰「友畫你」，與她對戰的無綫娛樂台主持黎國輝（阿感）則自稱是「高手」，每次與朋友聚會時「必玩」！呂慧儀以「秒殺」姿態完成首幅大作，她滿意地說：「我畫畫唔算好叻，但勝在夠創意，好快就用簡單圖案畫好呢個四字詞語。」雖然阿感慢一步完成，但二人均輕易猜中對方的題目，阿感笑說：「佢嗰個係『花枝招展』，我呢個係『大吉大利』，我諗呢個世界冇乜人估唔到！哈哈！」
高海寧路過估中晒
為分出勝負，阿感要求將難度升級，要求與呂慧儀齊齊閉上眼畫出一件物件，呂慧儀先畫了一個圓圈，外面再加上一個長方形，上方則有一個小小的正方形，阿感費煞思量仍猜不出答案，反而被「路過」的高海寧猜中：「係咪相機呀？」阿感即「O晒嘴」：「咁都似相機？真係要女仔先溝通到！」其後他閉目畫出一隻「怪獸」，呂慧儀笑說：「都唔知咩嚟o架？又似河馬、又似鱷魚，係咪怪物呀？」阿感表示「四不像」是今年生肖老虎，即被呂慧儀狂窒：「畫得咁醜樣，等我畫一隻畀你睇！」怎料她畫了一隻疑似加菲貓的老虎仔，再度被「路過」的高海寧估中答案，真係笑爆嘴！
