由周中師傅主持的無綫收費台節目《星級廚房》昨日錄影，請來洪天明及周家蔚「情侶檔」展示廚藝，周家蔚姐手姐腳，被天明嘲笑：「好似有少少論盡喎！」她即撒嬌：「好喇喎你！」他們公開打情罵俏，十分恩愛，難怪被周中指有夫妻相！

周家蔚穿上吊帶裙出席前晚的《72家租客》首映禮。	洪天明叉起腰笑周家蔚論盡，公然打情罵俏！	湯盈盈作狀錫洪天明，搞到周家蔚一臉尷尬！

自認大把女

當天明餵周家蔚吃牛肉時，用嘴吹凍牛肉及向周家蔚細心地說：「扮吓食o架咋！辣死你o架！」雖然甜到漏，但問到天明會如何度過情人節時，他表示未有打算慶祝及送禮，還避忌地說：「過年應該要做嘢，不過想返內地探老竇。（帶埋周家蔚去？）帶佢去做咩？朋友啫！（女朋友嘛！）我有好多女嘅。」他又透露希望出席陳小春的婚禮，問到打算何時結婚？他指物色結婚對象不能急，但坦言想結婚生小朋友。

不過，問到周家蔚情人節想收甚麼禮物時，她說：「天明有冇送貴重禮物畀我？冇乜！通常貴重嘢係媽咪送！冇同天明玩煮飯仔，同媽咪住，所以點都係三個人。」