自傳出日前於內地恩平登台時遇襲後，Edmond前晚跟蘇永康、許志安及張衞健由泰國返港，親口講述當晚事件經過，他澄清沒有被掌摑或受傷，而座駕亦完好無缺，並於事發當晚返港，問到將來登台會否擔心？他說：「唔會，呢啲事十年唔見一次，我都係如常工作！」其餘幾位兄弟笑言在泰國旅遊時已為他驗傷，安仔說：「我睇過佢身體每一處，除咗有少少股癢之外，驗過冇乜傷痕！」

照唱可也	出手擋架 梁漢文（箭嘴示）在酒吧登台遇上混亂，他曾出手擋架，最後由工作人員保護離開。	保護離開

公安冇邀助查

雖然Edmond大派定心丸，但本報發現有人上載當晚片段於YouTube及內地土豆網，片中可見Edmond演唱期間，幾名疑似醉酒大漢發生爭執，Edmond繼續唱歌：「我唔鍾意畀人逼我做嘢！」後來現場太過混亂，最終他被工作人員帶離現場，隨後片段見到有兩幫人互相投擲玻璃樽，聽到爆樽、推枱及人群尖叫等聲音！

本報再致電Edmond，他說：「我講嗰句說話，係因為一直有人係咁扯我隻手，我想Fing開先咁講，唔係有人逼我做乜嘢！總之我冇被打、冇畀人掌摑、或者傷害我身體任何一部分！（公安有冇搵你協助調查？）冇！我都唔知有人爆樽！（黑仔？）唔止我一個！安仔都試過畀人放蛇，真係放咗條蛇入去！」期間，周潤發夫婦亦現身機場，兩人剛由台灣返港。

對於有傳Edmond登台「遇襲」，曾志偉昨日大爆好友譚詠麟早年於荷蘭登台時，曾被一位「大佬」用槍指嚇！而組合農夫昨日接受電台訪問時則笑說：「我哋今晚上廣州登台，好彩係教育日，不過都擔心啲老師受到壓抑，攞間尺打我同掟粉刷！」