電影《72家租客》前晚在圓方舉行午夜場首映，吸引逾百藝人撐場，包括主角張學友、袁詠儀、監製曾志偉、呂慧儀、高海寧、廖碧兒、王祖藍及鄭欣宜等，現場更進行撈魚生儀式，寓意「撈起」。學友接受傳媒訪問時，志偉突然拿着咪扮《東張西望》記者訪問他，跟着又拉着《東張》主持黎芷珊訪問學友，芷珊問學友簡單的問題，志偉即不耐煩地搶問學友多久沒接受無綫訪問？學友指要計一計，志偉即打圓場說：「冇嘢唔講得，連歌都可以唱啦！」接着他們合唱賀年歌，志偉笑說：「你睇吓，張學友開金口喇！邊有事呀！」

放大圖片	身為女主角的袁詠儀，不用性感已相當搶鏡。

玩謝《東張》主持

學友接受《東張》訪問後，有線主播衞志豪攝位上前訪問，芷珊見狀即彈開，豈料被志偉拉着她一齊坐，結果無綫、有線同時訪問，連學友都笑指是世紀時刻：「講普通話真係好辛苦，今日真係開心，喜氣洋洋，大家一齊過年，邊有咁多風雨呀！」有記者指無綫不會播出片段，志偉說：「咁就唔知喇！」衞志豪欲將咪靠向志偉收音，志偉則笑說：「你呢啲細台閃遠啲，大台有大台做！」學友指只有志偉才能創造歷史：「我覺得好似發緊夢，可惜亞視冇到！」

李亞男與楊秀惠收起性感，較為失色。	放大圖片	廖碧兒是谷胸元祖，自然不會破例玩密實。

對於拉攏兩台做「歷史性」訪問，問到可擔心無綫會秋後算帳？志偉說：「最緊要觀眾開心！」他笑言有信心賀歲片會贏競爭對手黃百鳴，還揚言會到對方的首映禮踩場。至於無綫高層樂易玲則說：「今次係電影活動，多謝有線幫手宣傳！（唔播段片？）點解？（打格仔？）咁就到時先知！（以後都係咁樣做訪問？）今日係首映，首映一向係咁，電視活動就唔同！（以後都得？）以後先講！」

另外，提到新城高層朱明銳寸港台扮大佬？學友即多番認錯表示會反省：「統一頒獎禮係有障礙，只要有共識、有共同準則就得！」學友昨日再接受亞視訪問宣傳新碟，在專訪節目《張學友的Private Corner》中介紹新碟的製作過程，節目中亦會播出他的錄音花絮及MV。