不少女藝人對手袋相當講究，但對於陳柏宇（Jason）來說，只要實用便可。Jason孭着黑色的背囊外出工作，他說：「呢個袋陪咗我好多年，好好用，夠大又易襯，仲要係幾百蚊咋！」
而Jason袋內的物品十隻手指數得晒，如化妝袋、鎖匙、帽、錢包、散紙包、卸妝濕紙巾、暖包及潤膚膏等，他表示很少執袋，怕換袋時遺留物件，故不會隨便更換。問到袋中有甚麼東西是必備？Jason說：「最重要係卸妝濕紙巾，因為我唔太鍾意化妝，如果做完嘢，我一定第一時衝入廁所卸妝先，咁就會覺得成個人輕鬆晒！」其次不可缺少的便是帽，他說：「有時好早起身做嘢又未Set頭，我會笠頂帽就走出街，就算啲頭髮太蓬鬆同肉酸都冇有怕嘛！」
