31/01/2010

播放本新聞相關短片

陳智燊羅仲謙鬥拍劇博上位

陳智燊(Jason)是無綫男藝員中少有的「高材生」,在英國長大的他既是古典及現代中國文學學士,亦是全英國排第三的倫敦大學經濟學碩士,能操流利廣東話、普通語、英語、法文及拉丁文,外形俊朗有學識,難怪冧死不少OL!

Jason一向甚少是非及緋聞,他直言一向對女對手有所避忌,這是他最需要改善的地方,他解釋:「有啲人會覺得我好怕醜,其實我係慢熱,但拍戲好多時要同女仔接觸,記得有次同陳美詩拍節目巡禮,因為之前冇溝通,但又要扮情侶,搞到埋位時唔知攬腰好定搭膊好,睇番自己演出……真係差好多!希望新一年喺演技上會有進步!」不過,Jason對司儀工作蠻有信心,最近拍攝明珠台節目《港生活港享受》時卻滔滔不絕,他說:「相對嚟講,明珠台可能會少人睇啲,但對我嚟講就係一個好好嘅鍛煉機會,做明珠台嘅主持工作令我覺得好舒服,反而做大型直播節目就會好緊張,真係要多謝公司畀咗好多機會我,咩類型工作都有得試,希望可以繼續喺主持同拍劇雙線發展!」

姓  名:陳智燊(Jason)

出生日期:1977年12月12日

必 殺 技:精通多國語言、怕醜仔

今年作品:劇集《讀心神探》、明珠台節目《港生活港享受》

上位指數:**

電視台常鬧小生荒,為填補空缺,間中會招攬外援加入,有份演出電影《阿嫂》、《跟蹤》及《一半海水,一半火焰》的羅仲謙便是生力軍之一!謙仔由前年開始跳入公仔箱,第一擊便是由排骨仔力谷40吋胸肌,他說:「我每日舉2個鐘鐵,又曬2粒鐘太陽,希望畀人感覺陽光啲!」他首部參與的電視劇《尖子攻略》,即遇上好戲之人歐陽震華(Bobby),其後又與視帝郭晉安合作《古靈精探》,令他獲益良多,他說:「同Bobby、安仔特別有緣,安仔會教我做演員嘅心態,千祈唔好同人比較,因為呢個圈可以容納好多人,唔使羨慕人哋有幾好,先做好自己本分,佢亦好肯教我做戲。」

不少前輩說拍劇是一種「磨練」,時間長、人工低,相對拍電影辛苦得多。對此,謙仔自言捱得,還對電視圈充滿憧憬:「拍第一部最辛苦,因為由唔適應變適應,依家都慣咗。」他表示最近更參與重頭劇《團圓》,他興奮地說:「之前拍完《搜下留情》同舞台劇,依家又忙《團圓》,呢大半年冇抖過,不過愈忙愈開心,工作暫時排到年中。(有冇信心攞『飛躍進步男藝人』?)希望啦!試過一年角逐最佳男配角,希望喺電視劇攞到啲成績!」

姓  名:羅仲謙(Him)

出生日期:1984年8月28日

必 殺 技:40吋胸肌、陽光大男孩

今年作品:劇集《團圓》、《搜下留情》及一部由焦媛實驗劇團監製的舞台劇

上位指數:**