樂隊Mr.與性感女模Jessica C.前晚到澳門出席酒品牌活動，大會提供貴賓式招待，派出逾20呎豪華轎車接載！首次乘坐豪華轎車的Mr.讚感覺新鮮：「入面有皮梳化同好靚嘅Hi-Fi，我哋不停影相留念，真係好有Hip Hop Feel！」而Jessica於席上拋胸調酒，以伏特加及果汁炮製雞尾酒，最後還在旁點火，難怪完成後十分雀躍！不過，Mr.五子否認偷(目及)對方：「唔得呀！之前都合作過，佢只係好典型嘅外國妹妹仔，所以唔係好留意佢。」Dash笑指假如真的偷(目及)，便會沒有心情玩音樂！問到會否邀請Jessica擔任MV女主角？Mr.成員MJ說：「佢好貴喎！Jessica話鍾意聽我哋嘅歌，希望佢快啲練吓廣東話，到時可以加入樂壇齊齊唱！」

Evelyn（左）笑言好姊妹Anjaylia才是「真命天子」！	Mr.成員Tom第一時間拿起Jessica的雞尾酒品嘗。	Mr.當晚忘我演出，難怪事前怕分心不敢偷望Jessica。

Mr.成員Dash自爆差點趕不及出席，原來是其他成員漏帶他的低音結他：「我哋去到上環碼頭先知，於是同朋友即刻趕返去土瓜灣拎，好彩趕得切！」

Evelyn否認請食飯

另外，近日與Mr.成員Tom傳緋聞的模蔡穎恩（Evelyn），日前被拍得與Mr.一班人食飯，更請客儼如女主人。她昨日與模好姊妹陳嘉寶（Anjaylia）出席食店開幕時解釋，與Mr.各成員均是好友，當日並非由她請客，反而是Mr.請食飯。問到會否與Tom過情人節？她說：「我要去拜年，佢都要去啦！」Evelyn還自爆沒有男友：「我係同Anjaylia一齊！」