昨日，關智斌、陳偉霆（William）、林盛斌及歐陽靖等為新節目《Big Boys Club》錄影並即場進行「結盟儀式」，對於被指與張敬軒同居，Kenny說：「百分之百唔係囉！（你去嗰度放狗？）其實係我搬緊新屋，所以放咗隻狗喺嗰度，佢有工人可以幫手湊狗。（被傳同居？）呢個消息真係好驚喜，係隻狗同佢（張敬軒）同居！」Kenny表示本不欲新居曝光，但為了澄清與軒仔並非同居，已經約了其他記者拍攝新居。對於在新節目中擔任嘉賓主持，Kenny說：「我一路以為係做嘉賓，原來係做埋主持，不過我以前都有喺電台做過主持。」

張敬軒與關智斌的關係撲朔迷離。資料圖片

關智斌（右起）任電視節目主持，與歐陽靖、陳偉霆及林盛斌結盟。

勸喻少女勿受騙

另外，對於近日有少女為入娛樂圈而懷疑被人誘騙發生性關係，Kenny語重心長地說：「依家嘅細路女真係要小心啲，近排真係好多關於呢啲嘅新聞，希望佢哋可以多啲保護自己。」