陳倩揚（Skye）每周都會在《東張西望》與觀眾見面，她笑言做主持比以前做空姐舒服得多︰「好多謝監製搵我，我喺節目學到好多嘢，而且大家相處都好開心。」她又表示擔任主持學到很多東西︰「去年我工作啱啱起步，做《東張》多咗人識我，依家仲做埋兒童節目主持，又有公司搵我出活動，工作多咗好多。」但她未有自滿，還想抽空進修心理學，認為對做主持有幫助。
此外，Skye想作多方面嘗試，坦言很喜歡唱歌，想登台唱歌搵真銀，又希望能出書分享生活感受︰「我想將每日發生嘅事同人分享，想話畀人知陳倩揚每日都係充滿正能量。」問到有否興趣拍劇，她說︰「都會，但未必係主力，都唔知自己能力去到邊，所以暫時都係接主持工作為主。」
